|
1
Nāsciu a Nuxis e
allevau,
esti s'amigu
"Pisanu
Serafinu",
sia po' fortuna
o po' destinu
a Carbonia perō
s'č coiau.
Sa mulleri est'
"Iride Pau"
e su babbu č
s'affabili
...Ginu
con "Elena e
Claudia luxentis
che s'oru
si funti creausu
sa famiglia
inzoru. |
2
Qusta famiglia
de santa unioni
unu "situ
internet" ha
realizzau,
giai de prima
...dia
progettāu,
segundu sa mia
impressioni,
e ancora,
segundu sa
previsioni,
qustu scrittu
ad'essi
registrau,
sa storia de
"Nuxis" si non
mi cunfundu,
ad'essi conotta
in tottu su
mundu. |
|
3
Ad'essi conotta
in d'ogna
nazioni,
grazias a su
costant'impegnu
de ...Pisanu,
ma po chi ddču
ddu pozza donai
una ...manu
m'č
neccessaria....un'escursioni.
"Fruminaramu,
Maccumata" e
"Barisoni",
e a su
"Casteddaiu" de
primu mengianu,
poi de
"Tiriccu"...torru
a "Giradroxiu",
poi mi pon'in
branda a su
scurigadroxiu.
|
4
Sa dom'e
"Giradroxiu"
lassu stai,
e sigu su
camminu
stabiliu,
"Serregānnasa" č
su puntu
preferiu,
chi meda genti
bolli visitai.
Sa dom'e su
"conti", po
citai,
e su
"Corroppexirdesu"
in mes'arriu,
de "Tamara"
fazzu a S'Acqu'e
su Stampu"
atraversendi
tottu qussu
...campu. |
|
5
De "S'Acquedda"
sigu su..camminu
a s'Acqua 'e su
"Tipu" po
sostai,
cantu genti ddi
āndad a pappai
cun pezza
arrustu, pisci,
pani e binu.
Arribu a Ses
Pisanus de
"Tattinu",
canc'č su "Puzzu
Sacru" de
ammirai,
e de "Traviana"
in s'antigu
furriadroxiu,
ddi hant'agatau
finze unu
"schisorxiu" |
6
In s'ingruxeri
de "Tattinu"
nc'č su mori..
chi portad'a sa
cresiedd'e
"Sant'Elia",
dču ddu bollu
lodai in poesia,
ch'esti su
santu, chi si
faid'onori,
in prusu ch'esti
"santu"
intercessori,
s'č bolau in
"celu" che a
"Maria"
e in qusta
campestri
cresietta,
fainti grandu
festa a su
"profeta". |
|
7
A ses "Panis"
bandu
prontamenti
dopu ch'in
sarch'e mengianu
seu passau
est'un antigu
furriadroxeddu
sciusciau,
e de bellu non
si bė nienti,
si nōtanta i
murus solamenti
e acetottu esti
"Montepau",
in sa migg'e
"Sperdāiasa" e
sa migg'č
"Scardiasa"
no ddi passa
prus personas
"bėasa". |
8
O'i su logu č
tottu abandonau
sėada in monti
che in pianura,
in "Ses-Panisi"
segundu
scrittura
Santu "Giorgi"
ddi ha regnau
una cresiedda
ddianta
edificau,
po dd'onorai sa
santa figura.
Si ddu scisi, o
lettori, naraddu
ca "santu
Giorgi"
viaggiada a
cuaddu. |
|
9
Su cuadd'e santu
Giorgi fu
biancu,
ca dd'hapu
liggiu in d'una
scrittura.
De ses Pānisi,
abasciu in
pianura
a ses Pillonis,
po ddu
nai...francu..
Mi firmu e mi
riposu, essendi
stancu
ch'esti su logu
miu po natura,
in ses Pillonis
seu nāsciu e
cresciu,
e qussu logu nō
dd'hapu
scheresciu. |
10
Non si scheresci
su logu natiu,
non si scheresci
sa bidda natali.
Su Morin'e
Impera... esti
in sa statali
e sa Migg'e
ntiogurangiu ge
dda sciu
e su "Miggiotu"
in peis de
s'arriu
in terren'e
Nicolinu Serra,
fora mali
de ses
Ollarxius, ses
Pittaus e ses
Serras
conosciu beni
tuttu qussas
terras.. |
|
11
In Bacchera
nc'est'una
sorgenti,
e un'ātara
'ncind' esti in
Fonnesu,
un'atara grandu
miggia č posta
in mesu
de s'abitau de
"S'Acqua
callenti"
in Ses
Serafinisi
nc'esti sa
sorgenti
e de i dōmusu
non č troppo
atesu
e in mesu a unu
campu de gureu
esistidi ancora
sa miggia in
"Murdeu". |
12
In Murdeu
nc'esti unu
"tutoni"
aundi
s'aprigānta is
pascirōisi
pascendi
baccasa,
brebeisi o boisi
in s'ierrara
fenta sa
stagioni.
Ddi papānta puru
calincun'angioni
mancai nu
essinti portau
coccoisi,
asunt'e sa
"Coronarrubuia
in Pranedda"
esėstidi sempri
sa "Foss'e
Cancedda". |
|
13
Sempiri i nė
fundus de
Pranedda
scurri s'acqua
de unu miggiotu
in Chicumei puru
hapu conotu
un'atara
frischissim'
acquedda
ma nc'esti unu
campu de spina
niedda
chi non si podi
passai scrucciu
tottu
cun sa miggi'e
is crabaxius
hapu visitau
s'acque su
"Toccu" in su
camp'e merau. |
14
Sa Migg'e sutu
in peis de
Piscellana
e sa migg'e sa
Murta e prusu a
costera
in sa Costa e
Ferreri nc'č sa
miniera
e in Ses Cuccusu
nc'esti una
funtana
ma s'imprusu
est'acqua
piovana
basta chi
procciara in
primavera
e tra custus
carus bellus
logus miusu
regna su
furriadroxiu
becc'e Ses
Pilliusu. |
|
15
Sa migg'e is
Crabaxiusu 'e
s'acqu'e su
Toccu
duas sorgentis
in su cam'e
"Merau"
a piccioccheddu
ddi seu crocau
in sa barracca
de unu certu
"Coccu".
'Oi perou , a
Deusu dd'invoccu
ca qussu tempus
dd'hapu superau
sa migg'e sa
"Murta" cun sa
migg'e "Ghiani"
cun sa migg'e
"Sutu".. nō ddi
passa cani. |
16
In Ses
"Curreisi" de
basciu e de sųsu
ddoi bivi
paghissimus
picciocus,
disabitau esti
"Ses Marroccus"
e iin Su
"Peppimereu" non
prus de dųsu
e si seu
sbagliendi ...mi
scusu
ma genti non
dd'hadi in su
de...Sproccus
in Ses "Meis"
puru e Ses
"Crobeddus"
troppu
pagus..funt'is
piccioccheddus. |
|
17
Prim'e lompi a
sa conclusioni,
de sa cresi'e
Nuxis bollu
fueddai:
intrendi in sa
porta si podi
notai
unu robustissimu
portoni,
pensu chi siada
rivestiu in
ottoni,
chi solu Nuxis
ddu podi vantai,
oltre a i santus
Perdu e
sant'Elia,
Gususu in cruxi
e sa Mamma
Maria. |
18
Sa Vergini Maria
Immacolada,
č mamma de su
Rei de Paradisu,
in su
tabernacculu
Cristu
est'assisu,
rappresentau in
s'ostia
consacrada,
e candu sa
cresia č tottu
illuminada,
a is fedelis
imprimi su
sorrisu,
e poi 'nci funti
i brāvasa
scaccinasa,
po ponni a postu
..bancus e
ainnasa. |
|
19
Sa Cresia nosta,
a miu giudiziu,
est'una cresia
meravigliosa,
est'abbastanza
larga e
spaziosa,
accoglienti po
unu sposaliziu,
ma in cas'e
mortisi est'unu
supliziu,
poita sa genti
prangi dolorosa,
su collaboradori
de "Don Silvanu"
č
s'insostituibili..."Ginu
Pisanu". |
20
In Prazz'e
Cresia nc'č su
monuumentu,
po arregordai i
mortus in gherra
pārtiri a
"piramidi" de
terra,
e de marmu esti
su rivestimentu
essendi esposta
a d'ogna bentu,
dda sfiora su
soli,
cand'est'in sa
serra
Nuxis possididi
monti e pianura,
e terrenus
fertilis, po
s'agricoltura. |
|
21
Nuxis possididi
vastu
territoriu,
ca vastissima č
s'estensioni,
de is pontis de
"Brentigota" a
"Barisoni",
qussu confini a
tottus'č
notoriu,
ch'esti stabiliu
e non
provisoriu,
de Ses Aioasa a
S'Arch'e Orioni,
non seu studiosu
e mancu studiau
ma su chi hapu
scrittu nō
dd'hapu
inbentau. |
22
O Serafino, ti
depu onorai
po tottu
s'impegnu chi ti
ses pigau,
cun mulleri
tua..Iride Pau,
sčisi in quattru
de depi elogiai,
Elena e Claudia
funti de
ammirai,
po su situ
internet giai
realizzau
ma candu m'anta
nai..."sa bona
memoria",
qustu scrittu
miu...ad a fai
storia. |
|
23
Finiu hapu
qust'elaborau,
e a Serafino ddu
dongu in
cunsigna
in tottu su
mund' e su rest'
e Sardigna,
in Internet..
ad'essi osservau
de i nuxiāiusu
ad'essi onorau,
poit'č persona
veramenti digna
cun Babbu.. Ginu
e Mamma.. Maria
saludu a tottusu
in
sarda....poesia. |
Componimento
poetico
in
Sardo-Campidanese
di Marcello
Saba, poeta
dialettale di
Nuxis, che
ringraziamo per
la simpatica
collaborazione
prestata alla
realizzazione
della sezione
"Poesia" del
sito. |
